Əgər Avrasiya İqtisadi Birliyinin (AİB) maraqlarına zidd hərəkət etsəydik, bu gün sözügedən iqtisadi blok iflic olardı.

Newscenter.az TASS-a istinadən bildirir ki, bunu Ermənistanın Baş naziri Nikol Paşinyan deyib:

“Əgər mən bu gün AİB-ə zidd siyasət yürütsəm, AİB iflic olardı, çünki bu təşkilatdakı bütün qərarlar konsensus yolu ilə qəbul edilir. Yəni, mən ona qarşı çıxsam, AİB-də heç bir qərar qəbul edilə bilməz. Buna görə də, əgər mən AİB-ə qarşı hərəkət etsəydim, AİB bu gün bir təşkilat kimi fəaliyyət göstərməzdi, o, iflic olardı. AİB iflic deyil, çünki mən AİB-ə qarşı hərəkət etmirəm”.

Qeyd edək ki, martın 26-da Ermənistan parlamentinin üzvləri ölkənin Aİ-yə qəbul prosesinə başlamaq üçün son oxunuşda qanun layihəsini qəbul ediblər. Baş nazir Nikol Paşinyan deyib ki, bununla Yerevanın qəbul prosesinə avtomatik olaraq başlanmayacaq, çünki məsələ referendum tələb edir.

Aygün