Çərşənbə, 1 dekabr 2021, 23:17:05  
Sizin Reklam Burada.

Metropoliten sərnişin platforması üzrə növbətçi vəzifəsinə işçi qəbulu elan edir



Newscenter.az.13.08.2020. “Bakı Metropoliteni” Qapalı Səhmdar Cəmiyyəti “sərnişin platforması üzrə növbətçi” (HSPN) vəzifəsinə işçi qəbulu elan edir.

Newscenter.az-a Səhmdar Cəmiyyətdən bildirilib ki, müsabiqədə iştirak etmək istəyənlər ali və ya texniki peşə təhsilinı malik olmalıdır. Yaş həddi: 30 yaşına qədərdir. Həmçinin kişi namizədlər üçün hərbi bilet (yararlılıq kateqoriyası ilə) zəruridir.

Qadın namizədlər üçün boy 165 sm və daha uca, kişi namizədlər üçün 170 sm və daha uca olmalıdır.

Seçim müsahibə və psixoloji testlərin keçirilməsi yolu ilə aparılacaq. Seçilmiş namizədlər tibbi yoxlamadan keçməklə 1 (bir) ay müddətinə xüsusi hazırlıq kursuna buraxılacaqlar.

Kursu müvəffəqiyyətlə başa vuran iddiaçılar test imtahanına cəlb olunacaqlar.

Yüksək bal toplayanlar praktiki təlimlərdə iştirak edərək, “sərnişin platforması üzrə növbətçi” (HSPN) vəzifəsinə qəbul ediləcəklər. İddiaçılar “Bakı Metropoliteni” QSC-nin rəsmi veb-səhifəsinin “Karyera və əməkdaşlıq” bölməsinə daxil olaraq, “Bizdə iş” yarımbölməsində elektron müraciət formasını doldurmalıdırlar.

Elektron müraciət doldurularkən, iddia etdiyiniz vəzifə kimi “platforma növbətçisi” yazılmalıdır.

Elektron ərizələr 31 avqust 2020-ci il tarixinə qədər qəbul edilir.

Anar
Xəbəri paylaş