Newscenter.az.15.02.2019. Erməmistan mətbuatı yazır ki, Münhendə Azərbaycan və Ermənistan xarici işlər nazirləri Elmar Məmmədyarov və Zoqrab Mnatsakanyanın görüşündə liderlərin ABŞ-da görüşü planlaşdırılacaq. Newscenter.az xəbər verir ki. bu barədə məlumatı polıtoloq Məhəmməd Əsədullazadə veib. O, bildirib ki, bu erməni mətbuatınln dezinformasiyasıdır:

“Məqsəd Nikol Paşinyana qarşı Qarabağ klanının təzyiqlərini artırmaqdır”. Politioloq deyib ki, ABŞ və Rusiya münaqişənin həllində ortaq mövqeyə malikdir: “XİN rəhbərlərinin görüşü Rusiyanın xarici siyasət idarəsinin rəhbəri Sergey Lavrovun iştirakı ilə keçiriləcək. Lavrovun iştirakı ilə keçirilən bu danışıqlarda ABŞ-da görüşün planlaşdırılması qeyri-mümkündür. Çünki Rusiya daima ABŞ-ın əsas vasitəçiliyinin qarşısını alıb”.

Məhəmməd Əsədullazadə hesab edir ki, Azərbaycan və Ermənistan liderlərinin növbəti görüşü Rusiyada keçirilə bilər: “Bu görüş də nəticəsiz qalacaq. İlk növbədə rəsmi Bakı, ABŞ və Avropa İttifaqı ilə təmasları inkişaf etdirib, hərbi təzyiqi bir neçə aydan sonra bərpa etməlidir”.