Newscenter.az.9.05.2019. "Azneft" meydanının altındakı yeraltı keçiddəki popkorn satan uşaq məsələsi məni çox təsirləndirdi. O uşağı oradan aparatı ilə çıxartmaq yox, ona paltar və məktəb ləvazimatı alıb məktəbə yönləndirmək, ailəsinə isə iş tapmaqda kömək etmək lazım idi.

Newscenter.az xəbər verir ki, bu fikirləri millət vəkili Aydın Mirzəzadə səsləndirib. Deputatın sözlərinə görə, əgər həmin uşağın valideynlərin biri yox idisə və ya işləmək qabiliyyətləri yoxdursa, o ailəyə sosial yardım verilməsinə nail olmaq lazım idi:


"Bütün bunlardan əvvəl isə yaxınlaşıb uşaqdan popkorn almaq lazım idi, qoy verdiyimiz puldan ona az da olsa həmin gün azacıq da olsa pul qalaydı".