Newscenter.az.1.11.2020. "Bildiyiniz kimi, əməliyyat uğurla davam etdirilir. Bu günə qədər bir çox kəndlər, şəhərlər, qəsəbələr işğalçılardan azad edilibdir, o cümlədən Füzuli, Cəbrayıl, Zəngilan, Qubadlı şəhərləri. Ümumiyyətlə, təqribən 200-ə yaxın yaşayış məntəqəsi düşməndən azad edilib və bu, davam edir".

Newscenter.az xəbər verir ki, bu fikirləri Prezident İlham Əliyev Türkiyənin XİN rəhbəri Mövlud Çavuşoğlunun rəhbərlik etdiyi nümayəndə heyətini qəbul edərkən səsləndirib. Prezident bildirib ki, hər həftə azad edilmiş yeni şəhərlər və kəndlər haqqında məlumat verir və ümid edir ki, biz öz ərazi bütövlüyümüzü bərpa edəcəyik.