Newscenter.az.27.02.2021. 2020-ci ildə Bakı Apellyasiya Məhkəməsindən Ali Məhkəmənin Mülki Kollegiyasına daxil olmuş işlərdən 2689 işə baxılıb.

Bu barədə Ali Məhkəmənin Mülki Kollegiyasının 2020-ci il üzrə fəaliyyətinə dair hesabatda məlumat verilib.

Bunlardan 2047 iş (76.1%) üzrə məhkəmə aktı dəyişdirilmədən saxlanılıb, 592 iş (22%) üzrə məhkəmə aktı ləğv edilib, 35 iş (1.3%) üzrə apellyasiya instansiyası məhkəməsinin qərardad və ya qətnaməsi dəyişdirilib, 15 iş (0.6%) üzrə kassasiya icraatına xitam verilib.

Ləğv edilən 592 işdən 33 iş (5.6%) üzrə yeni qərar qəbul edilib, 521 iş (88%) üzrə məhkəmə aktı ləğv edilib yenidən baxılması üçün apellyasiya instansiyası məhkəməsinə göndərilib, 1 iş (0.2%) üzrə ərizə baxılmamış saxlanılıb, 37 iş (6.2%) üzrə məhkəmə aktı ləğv edilərək, iş üzrə icraata xitam verilib.