Newscenter.az.4.03.2021. İsmayıllı rayon İcra Hakimiyyətinin başçısı yeni tikilən məktəb binasına baxış keçirib. Newscenter.az-a daxil olan xəbərə görə, həmin məktəbdə yaradılmış müasir şəraitlə yaxından tanış olub. Şagirdlərin bilik və bacarıqlarını daha da təkminləşdirilmələri üçün məktəb binasında akt zalı, fənn kabinetləri, kompyuter otaqları, laboratoriyalarla yanaşı idman zalı, yeməkxana, eləcə də idmanın müxtəlif növləri üzrə açıq meydançalar inşa edilib.

Xatırladaq ki, Heydər Əliyev Fondunun təşəbbüsü ilə İsmayıllı rayonunda Natiq Behdiyev adına 6 nömrəli tam orta məktəbin 360 yerlik qəzalı binası sökülərək, şəhərdə şagird sıxlığı nəzərə alınaraq 3 mərtəbəli 720 yerlik bina inşa olunub. Yeni məktəbin yaxın zamanlarda istifadəyə veriləcyi nəzərdə tutulub.

Hər birimizə məlumdur ki, İsmayıllı rayonunda da tikilən yeni məktəb binaları, onların əsaslı təmiri, təhsil müəssisələrinin müasir avadanlıqlarla təchiz edilməsi həmçinin müasir standartlara uyğunlaşdırılması ölkə başçısı İlham Əliyevin və Birinci vitse-prezident Mehriban xanım Əliyevanın diqqət və qayğısının nəticəsidir.

Anar