Newscenter.az.28.04.2021. Texasın A&M universitetinin bir qrup tədqiqatçısı SARS-CoV-2 virusunu bir anın içində məhv etməyə imkan verən məmulat yaradıb.

"Report" “RİA Novosti”yə istinadən məlumat verir ki, alimlərin əldə etdikləri nəticələr Phys.org saytındakı press-relizdə dərc olunub.

Paslanmayan poladdan hazırlanmış bu boru seksiyasına koronaviruslu məhlul tökülür. Cihazı 72 dərəcə Selsiyədək qızdırdıqda, virusun titri cəmi yarım saniyə ərzində 100 min dəfə azalır. Bu isə patogeni neytrallaşdırmaq üçün kifayətdir.

Tədqiqatçıların məlumatına görə, termik işlənmə bu üsuldan mövcud isitmə, havalandırma və kondisioner sistemlərində istifadə etməyə imkan verəcək.