Keçən il Qazaxıstanda 136 vəzifəli şəxs məsuliyyətə cəlb edilib.

Newscenter.az "Sputnik Qazaxıstan"a istinadən bildirir ki, bunu baş prokuror Berik Asılov prezident Kasım-Jomart Tokayevə məruzə edərkən deyib.

Dövlət başçısına təqdim olunan hesabata əsasən, 81 min sahibkarın sosial-iqtisadi sahədə əmək hüquqlarının pozulmasına yol verilməyib.

Prokurorluq ibtidai istintaq mərhələsində Cinayət-Prosessual Məcəlləsinə uyğun olmayan 32 mindən çox qanunsuz qərarın icrasını dayandırıb. 4 min vətəndaşın əsassız olaraq cinayət işlərinə cəlb edilməsinin qarşısı alınıb.

Bundan başqa, 979 min pensiyaçının, əhalinin sosial təminatsız təbəqəsinin və digər vətəndaşların sosial-iqtisadi sahədə pozulmuş hüquqları bərpa edilib. 123 min işçinin əmək hüquqlarının pozulmasına yol verilməyib. Ümumilikdə 4,5 milyard tenge aliment borcları yığılıb.

Anar Əliyev