Özbəkistan 2027-ci ilə qədər altı yaşlı uşaqların 100%-ni məcburi, pulsuz, bir illik məktəbəqədər təhsillə təmin etməyi planlaşdırır.

Newscenter.az Kazinform-a istinadən xəbər verir ki, bununla bağlı Özbəkistan Prezidenti Şavkat Mirziyoyev "İnsan ləyaqətinin yüksəldilməsinə yönəlmiş milli proqramların həyata keçirilməsi tədbirləri haqqında" fərman imzalayıb. Sənəddə 2027-2031-ci illərdə həyata keçirilməsi üçün yeddi milli proqram və fəaliyyət planı təsdiqlənib.

Proqramlardan biri bilik və bacarıqları ölkənin əsas inkişaf kapitalına çevirməyi hədəfləyir. Proqramın məqsədi 2027-ci ilə qədər altı yaşlı uşaqların ümumi təhsil məktəblərinə qəbul üçün məcburi hazırlıq proqramları ilə 100% əhatə olunmasını təmin etməkdir.

Bu məqsədlə, bölgələr 2026-cı ilin dekabr ayına qədər ehtiyacları öyrənəcək və tələb olunan sayda müəllim və avadanlıq müəyyən edəcək. 2027-2028-ci illərdə pulsuz hazırlıq qruplarının təşkil ediləcəyi binalar mebel və digər zəruri avadanlıqlarla təchiz olunacaq.

Bundan əlavə, Asiya İnkişaf Bankının dəstəyi ilə Səmərqənd, Cizzax, Surxandərya, Kaşkadərya və Daşkənd vilayətlərində dövlət-özəl tərəfdaşlığı vasitəsilə 500 məktəbəqədər təhsil müəssisəsinin yaradılması planlaşdırılır. Hər il ən azı 100 uşaq bağçasının tikilməsi və ya təmir edilməsi gözlənilir.

Süleyman