"Yeniyetmələrin psixoloji sağlamlığında sosial şəbəkələr də mühüm rol oynayır".

Newscenter.az xəbər verir ki, bunu psixoloq Qabil Kərimov deyib. O bildirib ki, rəqəmsal texnologiyaların geniş yayıldığı bir dövrdə, yeniyetmələr informasiyanı əsasən sosial şəbəkələrdən alırlar:

"Depressiv mövzuların sensasiya məqsədilə yayımlanması həssas qruplara mənfi təsir edir. Ayrıca, sosial şəbəkələrdəki mənfi yorumlar və ya bullinq halları yeniyetmənin özgüvənini azaldır, emosional tükənməyə və daha ciddi psixoloji problemlərə yol aça bilər. Eyni zamanda, imtahan stresi dönəmində sosial mediada yayılan yalançı uğur hekayələri və şişirdilmiş nailiyyətlər də əlavə basqı yaradır".

Psixoloq hesab edir ki, buna görə, ailə və məktəb mühiti uşaqlara sağlam internet mədəniyyətini öyrətməli, “hər kəsin eyni sürətlə irəliləmədiyini” anlatmalıdır.

Şeyda Məmmədova