Özbəkistanda dövlət idarəetmə sistemində səmərəlilik artırılacaq.

Newscenter.az "Sputnik Özbəkistan"a istinadən bildirir ki, bununla bağlı prezident Şavkat Mirziyoyev “Dövlət idarəetmə sistemində səmərəliliyin, təşəbbüskarlığın və səmərəliliyin artırılması ilə bağlı tədbirlər haqqında” fərman imzalayıb.

Fərmana əsasən, İnformasiya və Kütləvi Rabitə Agentliyi ləğv edilib, onun informasiya sektorunda nəzarət və monitorinq üzrə vəzifə və funksiyaları İnformasiyalaşdırma və Telekommunikasiyaya Nəzarət Müfəttişliyinə verilib.

Bundan başqa Milli Narkotiklərə Nəzarət Mərkəzinin bazasında Narkotik Vasitələrə və Odlu Silahlara Nəzarət Agentliyi yaradılıb.

Administrasiyanın Mətbuat Xidmətinin Media Mərkəzinin bazasında isə Kütləvi İnformasiya Vasitələri üçün Məzmun Hazırlanması Mərkəzi təsis edilib.

Eyni zamanda Dövlət Qulluğunun İnkişafı Agentliyinin bazasında İdarəetmənin Səmərəliliyi Agentliyi yaradılıb, Nazirlər Kabineti yanında Mədəniyyət və İncəsənətin İnkişafı Fondu Administrasiyanın tabeliyinə verilib.

Süleyman