Özbəkistanda əhalinin meyvə-tərəvəz və ərzaq məhsulları ilə təminatına, ixracın artırılmasına xüsusi diqqət yetirilir. O cümlədən, ərzaq təhlükəsizliyini və daxili bazarlarda qiymət sabitliyini təmin etmək məqsədilə 2025-ci ilin məhsulu üçün kənd təsərrüfatı bitkiləri yerləşdirilərkən regionların ixtisaslaşması, təbii-iqlim şəraiti, daxili və xarici bazarlarda məhsula tələbat, ərazilərin su ilə təminatının səviyyəsi nəzərə alınıb.

Newscenter.az "Sputnik Özbəkistan"a istinadən bildirir ki, aşağı məhsuldar və aşağı rentabelli pambıq sahələri 125 min hektar, taxıl sahələri 50 min hektar azaldılmış, suya ehtiyacı az, məhsuldarlığı və rentabelliyi yüksək olan ixrac bitkiləri yerləşdirilmişdir.

2024-2025-ci illər ərzində istehsalçılardan 125 adda məhsul qəbul edilmiş və rayon işçi qrupunun çıxardığı müsbət rəylər əsasında kənd təsərrüfatı məhsullarının istehsalı ilə bağlı xərclərin bir hissəsinin ödənilməsinə 28,3 milyard manat subsidiya vəsaiti ayrılmışdır. 2022-2025-ci illərdə kənd təsərrüfatının dəstəklənməsi üçün ümumilikdə 1 trilyon 63 milyard manat güzəştli kreditlər verilib.

Bundan əlavə, 2025-ci ildə ümumilikdə 500 min hektar sahədə suya qənaət texnologiyaları tətbiq edilib.Suya qənaət edən suvarma texnologiyalarının tətbiqi layihələrinin həyata keçirilməsi üçün 5 il güzəştli kreditlərin ayrılması nəzərdə tutulub.

Su qənaət edən avadanlıqlar istehsal edən yerli müəssisələrin sayı 60-a, yerliləşdirmə səviyyəsi 80 faizə, illik istehsal gücü isə 250-300 min hektara çatdırılıb. Nəticədə respublika üzrə ümumilikdə 2,5 milyon manat vəsait ayrılmışdır. hektarlarla torpaq suya qənaət edən texnologiyalarla suvarılır. Həmçinin 1,6 milyon hektar sahədə lazerlə hamarlama işləri aparılıb.

Süleyman