"Rusiyanın son dövrlər cəbhədə hücumlarının kəsərini və miqyasını artırması, Kiyevi raket və dron hücumlarına məruz qoyması ABŞ və Qərbdə də ciddi narahatlıq doğurdu. Qərb liderləri buna qarşı kəskin mövqe bildirdilər. Kiyevin bombalanması nəticəsində bir sıra mülki obyektlər dağıdıldı, dinc sakinlər qətlə yetirildi. Doplomatik nümayəndəliklərin yerləşdiyi binalar da ciddi xəsarətlər aldı. Aİ Kiyevdəki ofisi də atəşə tutuldu. Azərbaycanın səfirliyi hücumdan ziyan çəkdi".

Newscenter.az xəbər verir ki, bunları siyasi şərhçi Əli Orucov deyib. O bildirib ki, Moskvanın Kiyevə son genişmiqyalı hücumu Ukraynaının hava hücumundan müdafiə qabiliyyətinin gücləndirilməsini bir daha aktuallaşdırdı:

"Qərb vəd olunan belə təyinatlı silah-sursat və hərbi avadanlıqlarla Ukraynanı tam təmi edərsə bu, Rusiyanı hava üstünlüyündən məhrum etməklə, döyüş meydanında vəziyyəti köklü şəkildə dəyişərdi. Rusiya Ukraynadakı səfirliyimizə bir başa hava hücumu etməsə də bir müddət əvvəl Odessadakı SOCAR-in neft bazasına, Ukraynaya təbii qaz ötürən xəttə birbaşa zərbələr endirmişdi. Mən SOCAR-a və qaz xəttinə endirilən zərbələri Moskvanın Bakıya xəbərdərlığı kimi yozardım".

Əli Orucov hesab edir ki, Rusiya Ukraynanın enerji sahəsini sıradan çıxarmaqla iflic vəiyyətə salmaq istəyir:

"Hətta Azərbaycanın humanitar yardım çərçivəsində Kiyevə elektrik generatorları və yanacaq göndərməsi Kremli bərk qəzəbləndirmişdir. Buna baxmayarq Bakı Ukraynaya humanitar yardımlarını davam etdirdi. Fikrimcə, Rusiya növbəti etaplarda da oxşar təxribatlarını davam etdirməklə, çəkindirici hesab edəcək addımlarını atacaq. Lakin bu Ukrayna-Azərbaycan əlaqələrinin möhkəmlənməsinə mane ola bilməyəcək".

Süleyman