Rusiya silahlarının dəqiqlik faizinin bir o qədər də qənaətbəxş olmadığını nəzərə alsaq Kiyevdəki Azərbaycan səfirliyinin yaxınlığına raketin düşməsini təsadüf kimi dəyərləndirmək olar. Ən azı Azərbaycan tərəfi olaraq bunu belə qəbul etmək həm Azərbaycan, həm də Rusiya tərəfi üçün gərginliyin artmasının qarşısını almaq baxımından məqbul variantdır.

Newscenter.az xəbər verir ki, bunları ƏHD Partiyasının sədrinin müşaviri Azər Qasımov deyib. O bildirib ki, əks təqdirdə məqsədli şəkildə bunun edilməsi Azərbaycan və Rusiya arasında ciddi gərginliyin yaranması anlamına gəlir:

"Ümid edirik ki, Rusiya da bunu məqsədli şəkildə etməyib. Təbii ki, dinc əhali yaşayan Kiyev şəhərinin ərazilərini raket atəşinə tutmaq heç bir normal məntiqə sığmır. Bu, vandalizm aktıdır. Bu, heç bir müharibə qanunlarına sığmır. Rusiyanın bütün hərəkətləri əndazəni aşıb. Hesab edirəm ki, Rusiyaya mütləq cavab verilməlidir".

Süleyman