Özbəkistanın daimi əhalisi 39.047.321 nəfər təşkil edir.

Newscenter.az Özbəkistan Milli Statistika Komitəsinə istinadən bildirir ki, bu, 1 yanvar 2026-cı il tarixinə olan mövcud əhali hesablamasından 810,6 min nəfər və ya 2,1% çoxdur.

Qeyd olunur ki, fərq doğum, ölüm və miqrasiya üzrə inzibati məlumatlara əsaslanan cari hesabın ümumi siyahıyaalmanın nəticələri ilə tənzimlənməsi ilə yaranıb.

Əhalinin 50,6 faizi kişilər, 49,4 faizi isə qadınlar olub. Ümumi əhalinin 21.276,7 min nəfəri və ya 54,5 faizi şəhər yerlərində, 17.770,6 min nəfəri və ya 45,5 faizi kənd yerlərində yaşayır. Əmək qabiliyyətli insanların payı 55,7 faiz, əmək qabiliyyətli yaşdan kiçiklərin payı 32,0 faiz, əmək qabiliyyətli yaşdan yuxarıların payı isə 12,3 faiz təşkil edir.

15 yaş və yuxarı əhalinin 90,7 faizi ən azı ümumi orta təhsilə malikdir.

Süleyman