Avqustun 22 - də Türkmənbaşı şəhərində Azərbaycan Prezidenti İlham Əliyevin, Türkmənistan Xalq Məsləhətinin sədri Qurbanqulu Berdiməhəmmədovun və Özbəkistan Prezidenti Şavkat Mirziyoyevin iştirakı ilə sənədlərin imzalanması mərasimi olub.

Görüşdə iştirak edən Cənab Prezident İham Əliyev bildirmişdir ki, Bu gün biz xalqlarımızın mədəni və tarixi yaxınlığına, ortaq dəyərlərə və strateji maraqlara əsaslanaraq, üç dost və qardaş dövlətin əməkdaşlığı tarixində yeni bir səhifə açırıq. Qonaqpərvər türkmən torpağında olduğum bu gündə bir daha qeyd etmək istəyirəm ki, Türkmənistan hörmətli Qurbanqulu Məlikquliyeviçin müdrik rəhbərliyi ilə sosial-iqtisadi inkişafda əhəmiyyətli nailiyyətlər əldə edib, beynəlxalq rolunu və nüfuzunu gücləndirib. Onun müasir Türkmənistanın inkişafına verdiyi töhfə səmərəli dövlət idarəçiliyinin, strateji baxışın və Vətənə sədaqətin nümunəsidir.

Son olaraq vurğulamaq istərdim ki, Azərbaycan Respublikası xarici siyasətində dost ölkələrlə qarşılıqlı hörmət, bərabərlik və faydalı əməkdaşlıq prinsiplərinə əsaslanır. Ölkəmiz beynəlxalq müstəvidə strateji tərəfdaşlıq münasibətlərini möhkəmləndirir, siyasi, iqtisadi, humanitar və mədəni sahələrdə əlaqələri genişləndirir. Azərbaycan dost ölkələrlə əməkdaşlığını qarşılıqlı maraqlar, beynəlxalq hüququn norma və prinsiplərinə sadiqlik əsasında quraraq regional təhlükəsizliyin və sabitliyin təmin olunmasına mühüm töhfələr verir.

Fərid Hacıbəyli
YAP Yevlax rayon təşkilatının əməkdaşı