Ümumdünya Dağ Yəhudiləri Konqresinin vitse-prezidenti, Qafqaz əsilli Yəhudilərin Ümumİsrail Assosiasiyasının sədri və Parlament Lobbisinin direktoru Pavel Elizarov Assosiasiyanın Azərbaycan nümayəndəsi David Seliverstov ilə danışıqlar aparıb.

Newscenter.az xəbər verir ki, görüş zamanı ən mühüm layihə - oktyabrda İsraildə baş tutacaq Qafqaz Günlərinin keçirilməsi müzakirə olunub.

David Seliverstov deyib ki, bu tədbir təkcə Qafqazın yəhudi icmalarını birləşdirmək deyil, həm də İsraili sevən, dostluq, mədəni dialoq və qarşılıqlı hörmət dəyərlərinə sahib olan hər kəsə qapıları açmaq məqsədi daşıyır:

"Qafqaz günləri ənənələrlə müasirliyin, yaddaşın və gələcəyin görüşü üçün platformaya çevriləcək. Onlar hər bir iştirakçıya nəsillər arasında canlı əlaqəni hiss etməyə, Qafqaz mədəniyyətlərinin müxtəlifliyinin İsrailin və bütün yəhudi xalqının mənəvi həyatını necə zənginləşdirdiyini görməyə imkan verəcək.

Bu təşəbbüs sadəcə bayram deyil, birlik, irs və ümid rəmzidir".


Süleyman