Türkiyə 2015-2025-ci illər arasında günəş və külək enerjisindən ümumilikdə 442,2 teravatt-saat elektrik enerjisi istehsal edib.

Newscenter.az xəbər verir ki, bu bsrədə Türkiyənin Enerji və Təbii Sərvətlər Nazirliyi məlumat yayıb. Nazirliyin açıqlamasına görə, bu istehsal 21,5 milyard dollar dəyərində kömür idxalının, qazıntı yanacaqlarının istifadəsinin əvəzlənməsi isə təxminən 354 milyon ton karbon qazı tullantılarının qarşısını alıb.

Məlumata görə, 2015-ci ildə Türkiyə günəş və külək enerjisindən cəmi 11.847 giqavatt-saat elektrik enerjisi istehsal edərək, istehsal edilə bilən elektrik enerjisini 300 milyon dollar dəyərində idxal kömürlə əvəz etmiş və 9,5 milyon ton karbon qazı emissiyasının qarşısını almışdır. Son 10 ildə günəş və külək enerjisindən elektrik enerjisi istehsalının artması, qalıq yanacaq istifadəsindən qaynaqlana biləcək karbon emissiyalarının tədricən azalmasına səbəb olmuşdur.

Qazıntı yanacaqlarının əvəzlənməsi nəticəsində yalnız idxal olunan kömürdən istifadə etməklə elektrik enerjisi istehsalında təxminən 354 milyon ton karbon qazı tullantılarının (442,2 teravatt-saat) və yalnız təbii qazdan istifadə etməklə elektrik enerjisi istehsalında təxminən 177 milyon ton (442,2 teravatt-saat) qarşısı alınıb.

Anar