Bura 20-ci sahə deyilən ərazidir. AYNA-nın yarıtmaz fəaliyyəti, məsuliyyətsiz davranışı səbəbindən vətəndaşlar əsir-yesir olub. 20-ci sahədən Azneft kruquna cəmi 1 avtobus işləyir, o da 5 nömrə. Gördüyünüz kimi insanlar işə getmək üçün avtobus gözlədiyi halda, AYNA-nın sürücüsü qapını bağlayıb harasa gedib. Bu həm də insanlara göz dağı vermək, vətəndaşı bilərəkdən hakimiyyətə, dövlətə, Cənab Prezidentə qarşı qaldırmaq cəhdidir, düşünülmüş şəkildə icra olunan ssenaridir.

Ümumiyyətlə, AYNA hər dəfə Formula 1 zamanı insanlara zülm verir, yollarda əsir-yesir qoyur. Onsuz da Azneft dairəsinə qədər vətəndaşı ödənişlə daşıyırsan və vətəndaş başqa cür də təsəvvür etmir. Heç olmasa bu avtobusların sayını artır, insanlar saatlarla sənin 5 nömrəni gözləməsin. Bunu etmək eləmi çətindir? Əlbəttə ki, yox. Sadəcə sizlər vətəndaşa zülm verərək onu Cənab Prezidentə qarşı qaldırmağı hədəfləmisiniz. Ancaq sizin iyrənc planız qətiyyən baş tutmayacaq.