Norveçdən Hollandiyaya uçan sərnişin təyyarəsi təcili eniş etməli olub.

Newscenter.az Röyters-ə istinadən bildirir ki, təyyarə təcili eniş zamanı uçuş-enmə zolağından çıxıb.

Açıqlamaya görə, Oslo hava limanından Amsterdama qalxarkən yüksək səs eşidilən təyyarə Sandefjord hava limanına yönləndirilib.

Təcili eniş zamanı “Boeing 737-800” tipli təyyarə uçuş-enmə zolağından çıxaraq ot örtüyünə düşüb. Təyyarədə olan 176 sərnişin və 6 ekipaj üzvünə heç bir zərər verilmədiyi, hadisə ilə bağlı araşdırma aparıldığı bildirilib.

Norveç mətbuatında çıxan xəbərlərə görə, təyyarə hidravlik sistemindəki nasazlıq səbəbindən təcili eniş edib.

Mehman Mehdiyev