Newscenter.az.21.11.2019. Mərkəzi icra hakimiyyəti orqanları rəhbərlərinin və onların müavinlərinin 2019-cu ilin noyabr ayında şəhər və rayonlarda vətəndaşların qəbulu сədvəlinə uyğun olaraq Azərbaycan Respublikası Dini Qurumlarla İş üzrə Dövlət Komitəsinin sədri Mübariz Qurbanlı Zərdab və Kürdəmir rayonlarından olan vətəndaşları qəbul edəcək.

Newscenter.az-a Dövlət Komitəsindən bildirilib ki, qəbul noyabrın 26-da saat 11:00-da Zərdab rayon Heydər Əliyev Mərkəzində keçiriləcəkdir.

Həmin tarixdə Dövlət Komitəsi sədrinin birinci müavini Səyyad Salahlı Göyçay rayon Heydər Əliyev Mərkəzində saat 11:00-da rayon sakinləri ilə görüşəcək.

Dövlət Komitəsi sədrinin müavini Gündüz İsmayılov isə Ucar rayon Heydər Əliyev Mərkəzində saat 11:00-da vətəndaşların müraciətlərini dinləyəcək.

Qəbula gəlmək istəyən vətəndaşlardan Dövlət Komitəsinin Ucar bölgəsi üzrə şöbəsinə müraciət etmələri xahiş olunur.

Mehman