Daşkənddə səfərdə olan 7-ci Beynəlxalq EMI Sahibkarlıq və Sosial Elmlər Konqresində iştirak edən Azərbaycan alimləri - Azərbaycan Dövlət Pedaqoji Universitetinin Quba filialının direktoru dosent Yusif Alıyev, ADPU Quba filialının Ədəbiyyat və Dillər kafedrasının baş müəllimi Sərxan Cəfərov, Azərbaycan Milli Elmlər Akademiyası akademik Həsən Əliyev adına Coğrafiya İnstitutunun icraçı direktor v.m.i.e. dosent Zakir Eminov, Coğrafiya İnstitutunun Turizm və rekreasiya coğrafiyası şöbəsinin müdiri dosent Zaur İmrani Özbəkistandakı Heydər Əliyev adına Azərbaycan Mədəniyyət Mərkəzini ziyarət ediblər.

Newscenter.az xəbər verir ki, qonaqlarla Azərbaycan Mədəniyyət Mərkəzinin direktoru Samir Abbasov görüşmüş, onlara Mərkəzin fəaliyyəti, onu Azərbaycan-Özbəkistan arasında dostluq, mədənityət, humanitar sahədə əməkdaşlığın inkişafına rolu, görülən işlər

haqqında geniş məlumat verib. S.Abbasov qonaqları Mərkəzdəki muzeylər və sərgilərlə tanış edib. Qonaqlar Heydər Əliyev adına Azərbaycan Mədəniyyət Mərkəzinin Özbəkistandakı fəaliyyətinə həsr olunmuş stent və guşələrlə tanış olublar.

Görüşdə birgə əməkdaşlığa dair fikir mübadiləsi aparılıb və gələcəkdə əməkdaşlıq məsələləri müzakirə olunub.

Sonda Mərkəzdə xatirə şəkilləri çəkdirilmişdir.

Mehman