Martın 7-də Yeni Azərbaycan Partiyasının yaranmasının 30 illiyi ilə bağlı tədbir keçirilib. Ümummilli liderin və torpaqlarımızın azadlığı uğrunda şəhid olan Vətən oğullarının ruhu bir dəqiqəlik sükutla yad edildikdən sonra Azərbaycanın dövlət himni səsləndirilib.

Yubiley tədbirində çıxış edən YAP Binəqədi rayon təşkilatının sədri Vüsar İsmayılov 30 il əvvəl hakim partiyanın yaranma zərurəti, qısa zaman ərzində partiyanın əldə etdiyi uğurlar barədə danışıb. Rayon təşkilatının sədri YAP-ın qısa müddət ərzində uğurlar əldə etməsinin təməlində Heydər Əliyev şəxsiyyətinin mühüm rol oynadığını deyib.
Vüsar İsmayılov tezliklə YAP-ın rayon təşkilatının yarandığını diqqətə çatdırıb və Binəqədi rayon təşkilatının da yaranan ilk rayon təşkilatlarından olduğunu vurğulayıb. Rayon təşkilatının sədri hazırda Heydər Əliyev siyasi kursunun Azərbaycan Respublikasının Prezidenti, Yeni Azərbaycan Partiyasının sədri Cənab İlham Əliyev tərəfindən uğurla davam etdirildiyini diqqətə çatdırıb. Vüsal İsmayılov YAP-ın zamanın sınağından uğurla çıxdığını qeyd edib.

Daha sonra çıxış edən millət vəkilləri Kəmaləddin Qafarov, Səbinə Xasayeva, Binəqədi rayon icra hakimiyyətinin başçısı Elxan Allahverdiyev YAP-ın keçdiyi uğurlu yoldan danışıblar.

Sonda YAP Binəqədi rayon təşkilatının həyatında fəal rol oynayan rayon ictimaiyyətinin nümayəndələri, KİV təmsilçiləri təltif olunub.

Mehman