Azərbaycanda son 1 həftə ərzində (02-08 oktyabr) koronavirus (COVID-19) infeksiyasına yoluxanların və peyvənd olunanların sayı açıqlanıb.

Nazirlər Kabineti yanında Operativ Qərargahdan Newscenter.az-a verilən məlumata görə, həmin müddətdə infeksiyaya 361 yeni yoluxma faktı qeydə alınıb.

COVID-19-a yoluxan 359 nəfər sağalıb. Həftə ərzində ölüm sayı 5 nəfərdir.

İndiyədək ölkədə ümumilikdə 833 550 nəfərin xəstəliyə yoluxması faktı müəyyən edilib, onlardan 822 843 nəfər müalicə olunaraq sağalıb, hazırda 370 aktiv xəstə var. Bu günə qədər 10 337 nəfər vəfat edib.

Məlumata görə, son həftə ərzində yeni yoluxma hallarının müəyyənləşdirilməsi ilə əlaqədar 4 280, bu günə qədər isə ümumilikdə 7 692 353 test icra olunub.

Eyni zamanda, ölkədə son həftə ərzində vaksin vurulmayıb.

Azərbaycanda bu günə qədər vurulan vaksinlərin ümumi sayı isə 13 969 897 olub.

Sona