Çağırışaqədərki hazırlıq (ÇH) rəhbəri vəzifəsinə işə qəbul müsabiqəsinin test mərhələsində müvəffəqiyyət qazanmış və ehtiyat kadrlar siyahısına daxil edilmiş namizədlər üçün müsahibəyə start verilib.

Newscenter.az xəbər verir ki, müsahibənin əsas məqsədi Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrinin yüksək səviyyəli kadrlarla təmin edilməsinə nail olmaqdan ibarətdir.

23-26 oktyabr tarixlərində keçirilən müsahibədə ümumilikdə 139 namizədin iştirakı nəzərdə tutulub.

Müsahibə zamanı namizədlərin vəzifə üzrə praktik bacarıqları və şəxsi keyfiyyətləri nəzərə alınır.

Msahibə mərhələsindən uğurla keçən namizədlər müvafiq vəzifə üzrə təyinat alacaq.

Qeyd edək ki, 08.05.2017-ci il tarixində təsdiq edilmiş “Azərbaycan Respublikası Təhsil Nazirliyi sisteminə daxil olan ümumi təhsil müəssisələrində və peşə liseylərində müəllimlərə tələbatın müəyyənləşdirilməsi, pedaqoji kadrların işə qəbulu və yerdəyişməsi Qaydaları”na əsasən, təhsil müəssisələrində vakant olan ÇH rəhbəri vəzifəsinə işə qəbul Səfərbərlik və Hərbi Xidmətə Çağırış üzrə Dövlət Xidmətinin strukturuna daxil olan yerli idarəetmə orqanları ilə razılaşdırmaqla təhsili idarəetmə orqanının müəyyən etdiyi qaydada həyata keçirilir.

R.Mehdiyeva