Qazaxıstanda kommunal ödənişlərdə bir sıra kateqoriyadan olan şəxslərə güzəştlər tətbiq ediləcək.

Newscenter.az "Sputnik Qazaxıstan"a istinadən bildirir ki, bu barədə Baş nazirin müavini Kanat Bozumbayev məlumat verib.

O qeyd edib ki, sosial cəhətdən həssas qrupların müdafiəsinə xüsusi diqqət yetirilir:

"Burada köməyə ehtiyacı olan insanlar asanlıqla müəyyən edilir. Bu gün aydın məqsəd var, lakin hər bölgədə fərqlidir. Kommunal xərclərin məbləği ailənin gəlirinin 5-10 faizindən çox olarsa, yerli büdcədən yardım göstərilir. Əgər onlara respublika büdcəsindən vəsait ayrılması lazım gəlsə, biz buna da kömək edəcəyik”, - deyə Bozumbayev bildirib.

Onun sözlərinə görə, kommunal xərclərin ödənilməsinə yardım mənzil müavinəti kimi verilir.

Anar Əliyev