"İran prezidentinin Azərbaycana səfəri ölkələrin ikitərəfli inkişafına təkan verəcək".

Newscenter.az xəbər verir ki, bunu siyasi ekspert Çingiz Şahbazi deyib. O qeyd edib ki, birgə layihələrin həyata keçirilməsi istiqamətində və xüsusilə də iki ölkə arasında iqtisadi əməkdaşlıq münasibətlərinin inkişafına xidmət göstərəcək energetika və kənd təsərrüfatı sahəsində münasibətlərin bir daha ələ alınması gözlənilir:

"İran prezidenti Məsud Pezeşkian bilindiyi kimi Azərbaycan əsilli dövlət başçısıdır və o, ölkəsində islahatçı prezident kimi tanınır. Azərbaycana olan sevgisini, Azərbaycan dilinə olan rəğbətini gizlətmir və hətta rəsmi tədbirlərdə Azərbaycan dilində danışır və şeirlər deyir. Bu səbəbdən də onun ölkəmizə səfəri iki ölkə arasında münasibətlərə müsbət təsir göstərəcək, düşüncəsindəyəm. Həmçinin bu səfərin digər faydası da İran üçün və prezident Pezişkianın siyasi baxımdan İlham Əliyevin nüfuzundan istifadə etməyə cəhd etmək imkanı əldə edə bilməsi baxımından da əhəmiyyətlidir".

Anar Əliyev