Tacikistanda 5,9 bal gücündə zəlzələ qeydə alınıb.

“Report” xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, yeraltı təkanların episentri Xucənd şəhərindən 171 km cənub-şərqdə, ocağı isə 10 km dərinlikdə yerləşib.

Tələfat və dağıntılar barədə məlumat yoxdur.

XXX

Tacikistanda qeydə alınan 5,9 bal gücündə zəlzələ daha iki ölkədə hiss olunub.

Qazaxıstanın seysmik stansiyalar şəbəkəsi Çimkent və Taraz şəhərlərində üç bal, Türküstanda iki bal intensivliyi ilə, habelə onlara ən yaxın yaşayış məntəqələrində iki-üç bal intensivlikdə yeraltı təkanlar qeydə alıb.

Özbəkistan Fövqəladə Hallar Nazirliyinin Seysmoloji Mərkəzinin məlumatına əsasən, Tacikistandakı güclü zəlzələ ölkədə 3 bala qədər hiss edilib.

Tələfat və dağıntılar barədə məlumat yoxdur.