Avstraliyanın Melburn şəhərindəki Piter Doherti İnfeksiya və İmmunitet İnstitutunun alimləri İİV-in insan orqanizmindən tamamilə çıxarılması istiqamətində perspektivli addım atıblar.

Newscenter.az xarici mediaya istinadən bildirir ki, tədqiqatçılar bu günə qədər immun sistemindən və dərmanlardan gizlədilən HİV-in ağ qan hüceyrələrinin içərisində görünməsinə imkan verən yeni üsul hazırlayıblar.

Tədqiqatın əsasını Covid-19 vaksinləri ilə tanınan mRNA texnologiyası təşkil edir. Alimlər xüsusi hazırlanmış yağ kapsullarına (lipid nanohissəcikləri) yerləşdirdikləri mRNT-ni HİV-in gizləndiyi ağ qan hüceyrələrinə çatdıra biliblər. Bu mRNT virusu aşkar etmək üçün hüceyrələrə siqnal göndərir.

Kəşf sübut edir ki, HİV-i bədəndəki “yatan” anbarından çıxarmaq olar. Ancaq növbəti kritik sual qalır: Virus sərbəst buraxıldıqdan sonra immunitet sistemi və ya əlavə müalicələrlə tamamilə məhv edilə bilərmi?

Tədqiqat laboratoriya şəraitində İİV-müsbət şəxslərdən alınan hüceyrələr üzərində aparılıb. Həqiqi xəstələrdə sınaqdan keçirilməzdən əvvəl heyvanlar üzərində təcrübələr, sonra təhlükəsizlik və effektivlik tədqiqatları tələb olunacaq. Bu prosesin illər çəkə biləcəyi deyilir.

Anar Əliyev