2025-ci il iyulun 1-nə olan məlumata görə, Qazaxıstanda istehsalatda bədbəxt hadisələrdən 584 işçi zərər çəkib.

Newscenter.az xəbər verir ki, bu barədə Əmək və Əhalinin Sosial Müdafiəsi Nazirliyindən məlumat verilib.

Bildirilib ki, onlardan 77-si dünyasını dəyişib.

Bu ilin ilk 6 ayının nəticələrinə görə, istehsalat xəsarətləri 2024-cü ilin ikinci yarısı ilə müqayisədə 16,6% azalıb.

İqtisadiyyatın sektorları üzrə ən çox zərərçəkənlər mədənçıxarma və metallurgiya kompleksi sənayesində. Bu sahədə bədbəxt hadisələrin göstəricisi 18,1 faiz olub.

Tikinti sektorunda isə bu göstərici 9,2 faiz təşkil edib.

Mehman Mehdiyev