Özbəkistanın paytaxtı Daşkənddə qılıncoynadanlar arasında Asiya kuboku yarışlarına start verilib.

Newscenter.az "Sputnik Özbəkistan"a istinadən bildirir ki, Asiya kubokunda Özbəkistanı qılıncoynadanlarından əlavə, Gürcüstan, Belarus, Qırğızıstan, İraq, Qazaxıstan, İndoneziya, Oman, Yeni Zelandiya, Tacikistan və Makaodan 207 idmançı mübarizə aparır.

Sentyabrın 13-dək davam edəcək kubok yarışları qılınc, folqa və şpaqlı silah növləri üzrə keçiriləcək.

Yarış proqramına əsasən, bu gün oğlanlar təklikdə folqada, qızlar isə qılıncda medallar uğrunda mübarizə aparacaqlar.

Anar Əliyev