Özbəkistan Avrasiya İnkişaf Bankına (AİB) qoşulub.

Newscenter.az "Sputnik Özbəkistan"a istinadən bildirir ki, bununla bağlı prezidentin müvafiq sərəncamı sentyabrın 16-da qəbul edilib.

Sənəd 2006-cı il yanvarın 12-də Astanada imzalanmış AİB-in yaradılması haqqında Sazişə qoşulma haqqında qanunun icrası çərçivəsində qəbul edilib.

Qərara əsasən, Özbəkistana bankın nizamnamə kapitalından hər biri 1000 ABŞ dolları olan 777 777 səhm ayrılıb. Bunlardan 168 411-i (21,7 faiz) ödənişli, 609 366-sı (78,3 faiz) isə geri çağırılan səhmlərdir.

Səhmlərin alınması üzrə ödəniş cədvəli təsdiq edilib. 2025-ci ildə İqtisadiyyat və Maliyyə Nazirliyi tərəfindən dövlət büdcəsindən İnvestisiyalar, Sənaye və Ticarət Nazirliyinə lazımi vəsait ayrılacaq. 2026-cı ildən etibarən bu xərclər daimi əsaslarla dövlət büdcəsinin parametrlərinə daxil ediləcək.

AYİB Avrasiya məkanında investisiya fəaliyyətini həyata keçirən beynəlxalq maliyyə institutudur. 17 ildən artıqdır ki, AYİB üzv ölkələrin iqtisadi əlaqələrinin möhkəmlənməsinə və genişlənməsinə və hərtərəfli inkişafına öz töhfəsini verir.

AYİB-in nizamnamə kapitalı 7 milyard dollardır.

Süleyman