Qazaxıstanın paytaxtı Astanada 10 milyon dollara qoyun yun emalı zavodu tikiləcək.

Newscenter.az "Sputnik Qazaxıstan"a istinadən bildirir ki, bu barədə kənd təsərrüfatı naziri Aydarbek Saparov KazFelTec səhmdarları Asset Tileuov və Luka Kverçi ilə görüşündə bildirib.

Şirkət tərəfindən inşa edilən ilk zavod 2025-ci ilin dekabr ayında Aktobedə istifadəyə verilib. Zavod ildə təxminən 3600 ton yun emal edə biləcək.

Zavod sahibləri layihənin dəyərini təxminən 10 milyon dollar qiymətləndirərək ikinci belə zavod tikmək niyyətindədirlər.

Kənd Təsərrüfatı Nazirliyinin məlumatına görə, zavodun Astanada yerləşdirilməsi ehtimalı nəzərdən keçirilir. Kiçik heyvanların çox yaşadığı ərazilərdə qəbul, yuma və çeşidləmə stansiyaları şəbəkəsinin yaradılması planlaşdırılır.

Anar