Milli informasiya sistemlərinin və resurslarının müasir kibertəhdidlərə qarşı dayanıqlılıq səviyyəsini artırmaq məqsədilə Dövlət Təhlükəsizlik Xidməti onlarda kibertəhlükəsizlik zəifliklərini müəyyən etmək üçün müstəqil ekspertlərin iştirakı ilə müsabiqələr keçirəcək.

Newscenter.az "Sputnik Özbəkistan"a istinadən bildirir ki, bu, kibertəhlükəsizlik strategiyasını müəyyənləşdirmək və kibercinayətkarlığın qarşısının alınması sistemini təkmilləşdirmək məqsədi daşıyan 10 martda qəbul edilmiş prezident fərmanında nəzərdə tutulub.

Bu müsabiqələr Dövlət Təhlükəsizlik Xidməti tərəfindən müəyyən edilmiş xüsusi elektron platforma vasitəsilə keçiriləcək.

Sənəddə həmçinin 2026–2030-cu illər üçün Kibertəhlükəsizlik Strategiyası təsdiq edilib.
Fərmana əsasən, 1 apreldən etibarən Ədliyyə Nazirliyində, Energetika Nazirliyində və Vergi Komitəsində Kibertəhlükəsizlik Departamenti yaradılacaq.

Həmçinin, 1 apreldən etibarən dövlət orqanları və təşkilatları tərəfindən ayrılan büdcədənkənar vəsaitlər, eləcə də büdcə parametrləri daxilində ayrılan zəruri vəsaitlər kibertəhlükəsizliyin təmin edilməsinə yönəldiləcək.

Süleyman