Rusiya və İndoneziya üzən atom elektrik stansiyaları (ÜAES) donanmasının yaradılması ilə bağlı danışıqların ilkin mərhələsindədirlər.

Newscenter.az TASS-a istinadən bildirir ki, bu barədə Rusiyanın İndoneziyadakı səfiri Sergey Tolçenov deyib.

O qeyd edib ki, nüvə məsələsi həm enerji, həm də qeyri-enerji sahələrində İndoneziya ilə münasibətlərdə çox perspektivli bir sahədir. Lakin hazırda konkret müqavilələr yoxdur.

Tolçenov vurğulayıb ki, buna görə də, biz gözləmə vəziyyətindəyik:

"Danışıqlara başlamağa hazırlaşırıq, amma hələlik ölkə prezidentindən nüvə enerjisinin və ya, məsələn, İndoneziyada ilk atom elektrik stansiyasının tikilib-tikilməyəcəyi ilə bağlı son qərarı gözləyirik. Bu, baş verən kimi danışıqlara başlaya bilərik".

Arzu