Gəncə şəhərində uçqun olub, ölən və xəsarət alanlar var.

Newscenter.az xəbər verir ki, "Report"un Qərb bürosunun məlumatına görə, hadisə şəhərin Cavad xan qəsəbəsində qeydə alınıb.

Belə ki, ərazidə ev tikintisi zamanı uçqun baş verib.

Hadisə nəticəsində 1985-ci təvəllüdlü Taleh Kərimov dağıntılar altında qalaraq ölüb.

Qeyd edək ki, ölən şəxsin usta olduğu bildirilir.

Hadisə nəticəsində daha 3 nəfər xəsarət alıb.

Faktla bağlı Gəncə şəhər Prokurorluğunda araşdırma aparılır.