Newscenter.az.21.10.2020. Birləşmiş Millətlər Təşkilatının Miqrasiya Agentliyi olan Beynəlxalq Miqrasiya Təşkilatının Azərbaycandakı Nümayəndəliyi (BMqT) 22 iyul tarixində təsdiqlənmiş Azərbaycan Respublikasında İnsan alverinə qarşı mübarizə üzrə 2020-2024-cü illər üçün Milli Fəaliyyət Planın (MFP4) müzakirəsi məqsədilə dəyirmi masa təşkil edib.
Newscenter.az-a daxil olan xəbərə görə, Tədbir Amerika Beynəlxalq İnkişaf Agentliyi (USAID) tərəfindın maliyyələşdirilən “İnsan Alverinə qarşı Mübarizə Fəaliyyəti” layihısi çərçivəsində Milli Fəaliyyət Planının həyata keçirilməsinin dəstəklənməsi ilə bağlı hökümət və vətəndaş cəmiyyəti ilə qurumlararası müzakirələr təşəbbüsünün tərkib hissəsidir.
BMqT-nin Azərbaycan Nümayəndəliyinin rəhbəri Vladimir Qjorqiyev açılış nitqində BMqT-nin Azərbaycan Hökuməti və QHT-lərin insan alverinə qarşı səmərəli mübarizə aparmaq səylərini dəstəkləməsi barədə qısa məlumat verdi. Onun sözlərinə görə qeyd olunan layihə çərçivəsində fəaliyyətlərdən biri də Azərbaycan hökumətinə MFP-nın həyata keçirilməsinə və insan alverinə qarşı effektli mübarizənin təmin olunmasına dəstək olmaqdır: “Daha çox insan alveri qurbanını müəyyənləşdirmək, mövcud və potensial qurbanlara yardım göstərməyə davam etmək, həssas əhali arasında müntəzəm yoxlamanı təşviq etmək və insan alveri qurbanlarının müəyyənləşdirilməsinə dəstək göstərmək, qurbanların müdafiəsi, məhkəmə və ya digər cinayət təqibi orqanının işində bolşuqları müəyyən edilib aradan qaldırılması istəqamətində biz birgə fəaliyyətimizi gücləndirməliyik. MFP4-də öz əksini tapan bir sıra fəaliyyətlər üzrə biz öz dəstəyimizi göstərməyə hazırıq. Məhz bu fəaliyyətlərin icrası Azərbaycan hökümətinin TİP (“İnsan alveri” ilə bağlı hesabat) hesabatında Tier2 səviyyəsində olmaq və hətta daha da irəliləyərək Tier1 səviyyəsinə çatmaq istəyini real edir”.
Dəyirmi masa zamanı aidiyyəti dövlət qurumlarının, beynəlxalq təşkilatların, QHT-lərin, vətəndaş cəmiyyəti təşkilatlarının 30-a yaxın nümayəndəsi insan alveri ilə əlaqəli ortaq strateji təşəbbüsləri və bir-biri ilə əməkdaşlığı müzakirə etmək imkanı əldə etdi. İnsan alveri və məcburi əməyə qarşı mübarizə sahəsində mövcud maarifləndirmə mexanizmlərinin gücləndirilməsi, bu sahədə fəaliyyət göstərən sığınacaqların və yardım mərkəzlərinin fəaliyyətinin genişləndirilməsi, insan alveri ilə mübarizə aparan ixtisaslaşmış qeyri-hökumət təşkilatlarının maliyyə təhlükəsizliyi və s. mövzular müzakirə mövzusu olmuşdur. Digər müzakirə olunan mövzulardan QHT-lərin davamlılığı, Əmək və Əhalinin Sosial Müdafiəsi Nazirliyi, vətəndaş cəmiyyəti və QHT-lərin birgə əməkdaşlığı ilə insan alveri qurbanları üçün yaradılan özünüməşğulluq imkanlarına baxışın MFP4-ə verdiyi töhvə, Xarici İşlər Nazirliyinin səfirlik və konsulluqların digər ölkələrin TİP (“İnsan alveri” ilə bağlı hesabat) hesabatı üzrə təcrübəsinin öyrənilməsində əlaqələndirici rolu, Daxili İşlər Nazirliyinin dəstəyi ilə keçirilən məlumat kampaniyaları və İnsan Alverinə qarşı Yardım Mərkəzinin bu işlərdə fəal iştirakı və s. fəaliyyətlər Azərbaycanın nəinki TİP hesabatında Tier2 səviyyəsində qərarlaşmaq və hətta Tier1 səviyyəsinə çatmaq üçün düzgün yolda olduğunu bariz göstərən güclü siqnallar idi. Sonda müzakirə olunan mövzular üzrə fikir mübadiləsi aparıldı, rəy və təkliflər verildi.
Sevinc
