Uzun müddətdən bəri müzakirə edilən "Əmək Pensiyaları" haqqında Qanuna dəyişiklik məsələsinə nəhayət ki, bu gün nisbən yekun vuruldu. İndiyə qədər qanunverici orqanın komitələrində müzakirə çıxarılan qanun layihəsinə noyabrın 18-də parlamentin plenar iclasında baxıldı. Beləliklə, “Əmək Pensiyaları” haqqında Qanuna yeni dəyişiklik layihəsi Milli Məclisin plenar iclasında birinci oxunuşda qəbul olundu. Bəs görəsən qanuna dəyişiklik pensiyaçılara nə vəd edir?

Milli Məclisin deputatı Vüqar Bayramov Newscenter.az-a bildirib ki, mövcud qanunvericilikdə pensiya yaşına çatan və 2006-2008-ci illər aralığında kapital məbləğindən asılı olmayaraq fərdi şəxsi hesabının sığorta hissəsində pensiya kapitalı olan şəxslərə pensiya təyin edilərkən 2006-cı il yanvarın 1-dək olan sığorta stajı 25 il, 2023-cü ildən etibarən isə hər təqvim ili üçün 1 il azaldılmaqla hesablanır:

"Pensiya amnitsiyası adlandırılan həmin güzəştin müddəti gələn ilin yanvarında başa çatıırdı. Yeni dəyişikliklər ilə pensiya amnistiyası daha 3 il uzadılır. Belə ki, mövcud qanunvericiliyə əsasən yaşa görə pensiya almaq üçün ya 25 il ştaj və ya minimum pensiya kapitalı tələb olunur. Ancaq, əgər vətəndaş 2018-ci ilinin iyulun 1-dək hətta 1 manat pensiya kapitalına malik olubsa o zaman onun 2006-cı ilədək olan ştajı 25 il hesab olunur. 2026-cı ildən sonra isə hər təqvim ili üçün 1 il azaldılmaqla hesablanır".

Deputat qeyd edib ki, praktik olaraq, bu dəyişikliklər ilə 2018-ci ilinin ikinci yarısınadək pensiya hesabında məbləğindən asılı olmayaraq vəsaiti olanlar pensiya almaq hüququn malik olacaqlar:

"Hətta ən kiçik məbləğ pensiya kapitalı olan vətəndaşlarımız da yaşaya görə müavinət deyil, pensiya ala biləcəklər. Bu baxımdan, sözügüdən dəyişiklik amnistiya xarakteri daşıyır və pensiyaçıların sosial müdafiəsinin gücləndirilməsinə xidmət edəcək".

Sevinc