Qazaxıstanda şaxtada qəza baş verib.

Newscenter.az "Sputnik Qazaxıstan"a istinadən bildirir ki, hadisə Aktobe vilayətinin Xromtau rayonunda qeydə alınıb.

Belə ki, rayondakı Don mədən və emalı kompleksinin “Boşak” mədənində fövqəladə vəziyyət yaranıb.

Quraşdırma işlərini yerinə yetirən üç növbətçi elektrik işçisi xəsarət alıb. İşçilər üz və əllərindən yanıq xəsarətləri alıb.

Yaralılar Xromtau şəhər mərkəzi xəstəxanasına çatdırılıb. İki işçi reanimasiyadadır, vəziyyəti ağırdır.

Mehman Mehdiyev