Qəzzada ölənlərin sayı 61 776 nəfərə çatıb
İsrail ordusunun 7 oktyabr 2023-cü ildən Qəzza zolağına hücumları nəticəsində ölənlərin sayı son 24 saatda 54 nəfər artaraq 61 776 nəfərə çatıb.
Qəzzada ölənlərin sayı 61 776 nəfərə çatıb
Qəzzadakı Fələstin Səhiyyə Nazirliyi İsrailin davam edən hücumları nəticəsində ölən və yaralananlarla bağlı son məlumatı verən yazılı açıqlama yayıb.

Bildirilib ki, son 24 saat ərzində Qəzza zolağında 54 nəfər ölüb, 831 yaralı xəstəxanalara çatdırılıb.

Yanvarın 19-da razılaşdırılmış atəşkəsin dayandırılmasından sonra İsrail ordusunun Qəzzada martın 18-dən bu yana başlatdığı hücumlarda 10 min 251 fələstinlinin öldüyü, 42 min 865 fələstinlinin isə yaralandığı bildirilib.

Qəzzada mayın 27-dən bəri İsrailin ABŞ-ın rəhbərlik etdiyi yardım paylama məntəqələri deyilən fələstinliləri hədəf alan sistematik hücumlarında 1881 nəfər ölüb, 13863 nəfər yaralanıb.

İsrailin qıtlıq saldığı Qəzza zolağında son 24 saatda daha 4 fələstinli aclıqdan ölüb, bununla da 106-sı uşaq olmaqla ölənlərin sayı 239-a çatıb.

2023-cü il oktyabrın 7-dən İsrailin Qəzza zolağına hücumları nəticəsində ölənlərin sayının 61 776 nəfərə, yaralıların sayının isə 154 906 nəfərə çatdığı bildirilir.

Qəzza zolağında minlərlə ölü hələ də dağıntılar altında qaldığı bildirilir.