Rusiya prezidenti Vladimir Putin Misir prezidenti Əbdülfəttah əs-Sisi ilə birlikdə Misirin Əl Dabaa Atom Elektrik Stansiyasının 1-ci blokunun reaktor təzyiq gəmisinin quraşdırılması mərasimində videokonfrans vasitəsilə iştirak edəcək.

Newscenter.az TASS-a istinadən xəbər verir ki, Rusiya lideri reaktor gəmisinin quraşdırılması mərasiminə Kremldən qatılacaq. Əs-Sisinin ofisinin məlumatına görə, Rusiya və Misirin atom elektrik stansiyası üçün nüvə yanacağının alınmasına dair müqavilə imzalayacağı gözlənilir.

Mərasimdə Beynəlxalq Atom Enerjisi Agentliyinin (MAQATE) baş direktoru Rafael Qrossi də iştirak edəcək.

Qeyd edək ki, Əl Dabaa Atom Elektrik Stansiyası (AES) Misirdəki ilk atom elektrik stansiyasıdır. O, Rusiyanın Rosatom dövlət korporasiyası tərəfindən Aralıq dənizi sahilindəki Matruh qubernatorluğunun El Dabaa şəhərində inşa edilir.

Cavid