Amerikalı genetiklər, 400.000-dən çox könüllünün genom strukturunun geniş miqyaslı təhlilinin bir hissəsi olaraq, Yer kürəsindəki insanların təxminən 5% -nin xərçəngə tutulma riskini artıran bir və ya daha çox gen dəyişikliyini miras aldığını aşkar ediblər.

Newscenter.az TASS-a istinadən bildirir ki, alimlərin tapıntıları JAMA elmi jurnalında dərc olunan məqalədə dərc olunub .

"Təhlillərimiz göstərir ki, insanların təxminən 5,05%-i xərçəngin inkişafına kömək edən genlərin strukturunda ehtimal olunan patogen variasiyaları daşıyır ki, bu da bütövlükdə əhali üçün gözləniləndən xeyli yüksəkdir. Bu, mövcud genetik skrininq üsullarının risk altında olan şəxslərin əhəmiyyətli hissəsini müəyyən etməkdə aciz olduğunu göstərir", -deyə tədqiqatçılar bildirir.

Bu nəticəyə Klivlend Klinikasının tədqiqatçısı Coşua Arbsmanın rəhbərlik etdiyi amerikalı genetiklər qrupu “Hamımız” tədqiqat proqramı çərçivəsində həkimlər və molekulyar bioloqlar tərəfindən toplanmış məlumatları təhlil edərkən gəlib. Proqramın məqsədi bir milyon könüllünün genomlarını deşifrə etmək və onların genom strukturunda olan fərqləri sağlamlıq xüsusiyyətləri ilə əlaqələndirməkdir.

Mehman Mehdiyev