Newscenter.az.12.02.2020. Avropa Voleybol Konfederasiyası beynəlxalq dərəcəli hakim Zaur Hacıyevə növbəti təyinat göndərib.

Azərbaycan Voleybol Federasiyasından Newscenter.az-a bildirilib ki, təmsilçimiz fevral ayının 13-də Milanda baş tutacaq kişi voleybolçular arasında keçirilən “Çelenc Kap”ın 1/8 final mərhələsində iş başında olacaq.

O, “Milan” (İtaliya) ilə “Mladost” (Xorvatiya) arasında cavab görüşündə baş hakim funksiyasını yerinə yetirəcək. Oyunda köməkçi referi isə ispaniyalı Fernando Benites olacaq.

Qeyd edək ki, bu komandaların ilk qarşılaşmasında italyanlar 3:0 hesabı ilə qalib gəliblər.