Newscenter.az.17.10.2020. Ağ Evin rəsmi saytında ABŞ-da fəaliyyət göstərən Amerikanın Erməni Milli Komitəsinin (ANCA) terrorçu təşkilat kimi tanınması üçün petisiya açılıb.

“Report” xəbər verir ki, petisiyada ANCA-nın əməliyyatlarına, fəaliyyətinə məhduddiyyət qoyulması ilə bağlı çağırış edilib.

Həmçinin ANCA-nın fəaliyyətinə dair araşdırma aparılması ilə bağlı ABŞ-a müraciət ünvanlanıb.

Qeyd edilib ki, ANCA ABŞ-da yaşayan azərbaycanlılara sui-qəsdlər təşkil edir, Amerika ictimaiyyətini çaşdırmaq üçün yalanlar yayır, ABŞ-da yaşayan azərbaycanlılara qarşı zorakılıq həyata keçirir.

ANCA-nın çox təhlükəli bir terror təşkilatı olduğu qeyd edilib, ANCA-nın ASALA, NAR, JCAG kimi terror təşkilatlara maliyyə dəstəyi göstərdiyi vurğulanır.

Petisiyanı dəstəkləmək üçün linkə elektron ünvanı tələb olunan hissələrə yazmaq və SİGN NOW düyməsini basmaq lazımdır. Bundan sonra elektron ünvana göndərilən təsdiqedici linki açmaqla petisiyanı imzalama prosesi başa çatmış olur.

Xatırladaq ki, oktyabrın 11-də Ermənistana qarşı sanksiya tətbiqi ilə bağlı petisiya da açılıb. Petisiyada Ermənistanın Azərbaycanın ərazi bütövlüyünə təcavüz etdiyi, Dağlıq Qarabağ və ətraf ərazilərin işğal olunması qeyd edilib.