Sentyabrın 26-da Yupiter son 59 ildə Yerdən ən qısa məsafədə olacaq.

Newscenter.az-ın məlumatına görə, “Report” xarici KİV-ə istinadən xəbər verir ki, Yupiter, Yer və Günəş sentyabrın 26-da bir xəttə düzüləcək.

Məlumata görə, belə halda Yupiter öz orbitinin Günəşə ən yaxın nöqtəsinə (perihelion) yaxın, səma cismindən 4,96 astronomik vahid məsafədə olacaq. Bu iki hadisənin üst-üstə düşməsi Yupiterin böyük qarşıdurması adlanır. Təxminən 12 ildə bir dəfə baş verir və Yerlə Yupiter arasındakı məsafənin də minimum göstəricilərə (3,95 astronomik vahid) azalması ilə diqqət çəkir.

“Qarşıdurma günü Yerlə Yupiter arasındakı məsafə nəinki 2022-ci ildə, hətta son 59 il ərzində ən qısa məsafə olacaq”, - planetariumun mətbuat xidməti bildirib.

Yupiter səma ekvatoruna yaxın Balıqlar bürcündə (ulduzlar topası) olacaq. Şimal enliklərində bir neçə ildən sonra ilk dəfə olaraq üfüqdən kifayət qədər yüksəkliyə qalxacaq.