Lənkəran rayonu, Qurumba kənd məscidinin dini icmasının sədri Hacıhəsən Babayev intihar edib.

Newscenter.az xəbər verir ki, "Report"un Cənub bürosunun məlumatına görə, hadisə məscidin ərazisində baş verib.

Belə ki, H.Babayev məscidin həyətində olan yardımçı tikilidə özünü asıb. O, hadisədən əvvəl məktub yazaraq onun intihar etməsində heç kəsin günahının olmadığını bildirib.

Hüquq-mühafizə orqanlarının əməkdaşları hadisə yerinə baxış keçirib. Meyit müayinə olunması üçün Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib.

Faktla bağlı rayon prokurorluğunda araşdırma aparılır.