Kişi voleybolçulardan ibarət “Xarı Bülbül Şuşa” klubu hazırlıqlarını Polşada davam etdirir.

Newscenter.az-a Azərbaycan Voleybol Federasiyasından bildirilib ki, Avrokubokda debüt edəcək Şuşa təmsilçisi oktyabrın 11-nə kimi Polşada təlim-məşq toplanışı keçəcək və burada yerli komandalarla bir neçə yoxlama oyununda gücünü yoxlayacaq.

“Xarı Bülbül Şuşa” klubu beynəlxalq arenada ilk qarşılaşmasına oktyabrın 25-də çıxacaq.

Çağırış Kubokunun 1/32 final mərhələsi çərçivəsində Slovakiyanın "Spartak" (Miyava) klubu ilə görüş Bakıda GİN-nin Voleybol Mərkəzində təşkil olunacaq. Matç saat 18:00-da başlayacaq.

Klublar arasında razılığa əsasən, Miyava təmsilçisi “Xarı bülbül”lə cavab oyununa da Bakıda çıxacaq. Slovakların nominal ev sahibi olacaq görüş oktyabrın 26-da, saat 18:00-da start götürəcək.

Oruc