Azərbaycan Milli İstiqlal Partiyası Avropa Parlamentinin ötən gün Azərbaycanla bağlı qəbul etdiyi qətnaməylə bağlı sözügedən quruma öz mövqeyini çatdıracaq.

Bu barədə məlumatı Newscenter.az-a partiyanın Siyasi Şurasının üzvü, AMİP liderinin köməkçisi Əli Oruclu bildirib. Əli Oruclu deyib:

"Azərbaycan Milli İstiqlal Partiyası Avropa Parlamenti iləsıx əməkdaşlıq edir və partiya qəbul olunmuş bu qətnamə ilə bağlı mövqeyini tərəfdaşlarına rəsmən bildirəcək".

Qeyd edək ki, Avropa Parlamenti oktyabrın 5-də Avropa İttifaqını Qarabağda baş verən hadisələrlə bağlı Azərbaycana qarşı sanksiyalar qoyulmasına, habelə Bakı ilə əməkdaşlığa yenidən baxılmasına və Azərbaycan qazından asılılığın azaldılmasına çağıran qətnamə qəbul edib.

Mehman Mehdiyev