Rusiya-Ukrayna müharibəsi bütün istiqamətlərdə olduğu kimi dünyada ərzaq çatışmamazlığına da öz mənfi təsirini göstərib. Əsasən də bu problem özünü taxıl istehsalında göstərib. Elə bu səbəbdəndir ki, dünyada buğda istehsalında azalma müşahidə edilir.

Newscenter.az-ın xəbərinə görə, Kənd Təsərrüfatı Nazirliyinin Aqrar Tədqiqatlar Mərkəzindən bildirilib ki, 2023/2024-cü məhsul ili üzrə qlobal buğda istehsalının 2022/2023-cü ilə nəzərən 7 milyon ton azalaraq 783 milyon ton
olacağı proqnozlaşdırılır.

Bildirilib ki, qlobal buğda ehtiyatları həcminin də 2022/2023-cü məhsul ili ilə də müqayisədə 2023/2024-cü məhsul ilində 3.7% azalacağı və 258 milyon tona enəcəyi gözlənilir. Nəticədə dünya üzrə ehtiyatların istehlaka nisbəti göstəricisi 32% səviyyəsində olacaq.

Natiq Orucov